اجمل الدراميات العراقيه ›

July 25th, 2010
20:47

عيد اليمر عالناس كلهة استراحت *** بس انة انوح عليك وعيوني راحت


لاتهتم على الراح و يهمك الراح *** والعالي مو بالطول بالصبر ينلاح


بكلبي احط سجين وبيدي اجوي *** فنة اليكول انساك نصين اسوي


ثاري الكلب بالشوف اقوى من العيون *** يعني التضيعة العين بالكلب مدفون


غربة ودمع همال فايض بأدينة *** مشتاكة للطيبين روحي الحنينة


بكلبي اجر اسلاك بس كون اتصل بيك *** فدوى الرصيد ايروح بس كون احاجيك


كل مر جرعته يهون بس مر الفراگ *** أشهگ بشهگه موت من گلبي يشتاك


مثل السمج علگاع خلتني دنياي *** لا مشوي لا مطبوخ لا واصل الماي


تدري آني شعري سهام لو صوبيتك *** من كلبي هذا أحساس تفهمني ريتك


أعرف أسرارك زيــن وعرف سهامك *** طيبة ومحبة البيك موضع كلامك


يم بيتي ريتك كون واشمرلك العين *** تشبعلي منك شوف وتردلي بعدين


أشمرلك العينين لو يمي بيتك *** وانتحر ست مرات لو ما لكيتك


خليني فدوة وياك للموت اريدك *** صدكني روحي تروح من الزم ايدك


اجرحني انته وشوف عاين عليه *** ما يمشي دم بحشاي تمشي انت بيه


مع تحياتي....

للمزيد من مواضيعي

 

اجرحني انته وشوف عاين عليه *** ما يمشي دم بحشاي تمشي انت بيه

سلمت اناملك ننتظر جديدك دمت بخير

مشكوره اخت ملك على تصفحك الموضوع
بس وربي ضل بالي يمج
انشالله مابيج غير العافيه
يعني مداشوفج بالجات
ارجو الرد

ثاري الكلب بالشوف اقوى من العيون *** يعني التضيعة العين بالكلب مدفون
اعجبنى هذا البيت

سلمت الايادى


بانتظار كل جديد منك